دوغو آزربایجان چئوره گنل مودورلوگوندن بیر یئتکیلی، دوغو و باتی آزربایجاندا اورمو گؤلونون قوروماسیندان دولایی بؤلگه اینسانلارین گؤزلویه احتیاج تاپاجاغینی سؤیله‌ییب
فارس خبر آژانسینین وئردیگی خبره گؤره دوغو آزربایجان چئوره گنل مودورلوگوندن بیر یئتکیلی، دوغو و باتی آزربایجاندا اورمو گؤلونون قوروماسیندان دولایی بؤلگه اینسانلارین گؤزلویه احتیاج تاپاجاغینی سؤیله‌ییب.
محمود اکرمی ایران یئتکیلیلرینی اویاراراق دئییب:"اورمو گؤلونون قوروماسینین اؤنو آلینمازسا، بؤلگه بؤیوک بیر چئوره فلاکتینه اوغراییب، گؤلون یان یوره‌سی آغیر خسارتلر آلاجاقدیر."
اکرمی آرتیریب کی اورمو گؤلونون اکوسیستم و ساغلیق آچیسیندان آذربایجانا بؤیوک منفعتلره صاحیب اولدوغونو باخمایاراق، گئتدیکجه اونون بوخارلانماسی، قوروماسی و داها دوغروسو اؤلدوغو گؤرولور.
دوغو آربایجان چئوره گنل مودورلوگوندن بو یئتکیلی آیریجا دئییب:" چئوره قوروملاری و اکوسیستم اوزمانلاری طرفیندن چئشیدلی اعتیراضلارا باخمایاراق، ایران دؤلتینین قونونو جیدیه آلماماسی، گؤلون دورومونو داها دا تهلوکه‌لی بیر آشامایا چاتدیریب."
بو یئتکیلینین آچیقلاماسینا گؤره آراشدیرمالار گؤستریر کی اورمو گؤلونون قوروماسیندا قوراقلیغین ائتکیسی اولسادا، ان اؤنملی ندن، حسابسیز سدلرین بؤلگه چایلاری اوزه‌رینده تیکیلمه‌سیدیر.
اکرمی علاوه ائدیب کی اورمو گؤلونون قوروماسینی اؤنله‌مک، بؤلگه ده تاریمیین و اکینین ده قورونماسی آنلامینا گلیر.
دئمه لییک کی اورمو گؤلو اورتادوغونون خزر دنیزیندن سونرا ان بؤیوک گؤلو دور.
دونیانین ایکینجی بؤیوک دوزلو گؤلو اولان ایرانداکی اورمیه گؤلو آلانینین یاریسیندان چوخو بوخارلاشیب. بئله کی باتی آزربایجان چئوره یئتکیلیلرینین دئدیگینه گؤره بوگون اورمیه گؤلونون یوزده ۶۰-ی قورویوبدور. ایرانلیلار بیر چئوره فاجیعه‌سی‌ایله قارشی قارشییا قالدیقلارینی بیلدیریر.
ایرانین باتی آزربایجان ایالتینده اولان اورمیه گؤلونده، ۵ مین ۲۰۰ کیلومترمربع آلانین یاریسیندان چوخو بوخارلانیب.
بیرلشمیش میلتلر تعلیم، بیلیم و کولتور اؤرگوتو یونسکو، اولوسلار آراسی اؤنمه صاحیب دنیز جانلیلاری‌نین یاشادیغی بیوسفر ذخیره‌سی اولاراق قیده گئچیردیگی گؤل، ۱۹۸۴ ایلیندن بری هر ایل گئتدیکجه کوچولور.
ایرانلیلار اوزللیکله آزربایجان ایالتنیده‌کی اهالی، چئوره فلاکتینه یول آچما‌دان، بو گؤلون قوروماسینا قارشی اؤنلملرین آلینماسینی ایسته‌ییر.
ایسنا خبر آژانسینین وئردیگی خبره گؤره جواد جهانگیرزاده اورمیه اهالیسینین ایران مجلیسینده‌کی میلت وکیلی، اورومو بیلی یوردوندا، اورمو گؤلونون قوروماسیندان اؤز درین قایغیسینی دیله گتیره‌رک"اورمو گؤلو سون نفسلرینی آلیر" دییه دانیشیب.
جهانگیرزاده ایران یئتکیلیلرینی اورمو گؤلونون قورونماسی اوچون داها چوخ و داها جیدی چالیشمایا چاغیریب.
جهانگیرزاده نین دئدیگینه گؤره اورومو گؤلونون قوروماسی، یالنیز باتی و دوغو آزربایجان اوستانلارینی یوخ بلکه بوتون ایران اؤلکه‌سینه قارشی بیر تهلوکه ساییلیر.
بو آرادا سید سلمان ذاکری اورمیه اهالیسینین باشقا میلت وکیلی، اؤنجه‌کی گؤنلرده ایرنا خبر آژانسی ایله دانیشیقیندا اورمو گؤلونون قوروماسیندان دولایی ۱۵ میلیون اینسانین حایاتی تهلوکه‌لرله قارشی قارشیا قالاجاغینی و میلیونلار یئرلی اهالینین دیدرگین اولابیله‌جکلرینی سؤیله ییب.
ذاکری‌نین دئدیگینه گؤره گؤلون قوروماسی، ایلک آشامادا نفس چکمکده چتینلیک، تاریمین و باغلارین قوروماسی و سونرا کؤلکله بیرلیکده گؤلون یاتاغیندا اولان دوزلارین ارمنیستان، عراق، تورکیه و آذربایجان جمهوریتلرینه قدر یایینلانماسی، کیمین تهلوکه‌لره ندن اولابیلیر.
قایناق:
http://tinyurl.com/25qfuj2
هیچ نظری موجود نیست:
ارسال یک نظر