پكك- لي لار ين دؤنوشو: هارادا سهو اولدو؟
سئدات لاچينر
بو يازي توركييه نين اولوسلار آراسي استراتژيك آراشديرمالار قوروموندان آلينيب و آذربايجان توركجه سينه چئوريليب
شيمال ايرلاندييا نومونه سي بيزلره گؤستردي کي تئررور تشکيلاتلاري نين بيتيريلمه سينده ان آز دؤرد پيلله لي بير پروقرام تطبیق ائتمک لازيمدير. بو مضموندا اولجه تشکيلاتين ايچريده و چؤلده تکلشديريلمه سي، آرديندان ايسه تئررور ائده رک هر هانسي بير نؤقطه يه چاتا بيلميه جگيني آنلاماسي، باشقا بير دئييشله اوميدلري نين قيريلماسي لازيمدير.آنجاق بوتون چيخيش يوللاريني باغلاياراق تئررور تشکيلاتيني يوخ ائتمه يه قالخسانيز ايتيره جک بير شئيي قالمايان تشکيلات ميليتان لاري بوتون گوجلرييله اوزرينيزه هوجوم ائده جک، يا دا بير چوخ کيچيک آما تهلوکه لي فراکسييونلارا بؤلونه رک ايشينيزي چتينلشديره جکلر. بو سببله اوچونجو آدديمدا، يعني تئررورلا نتيجه الده ائتمه مؤوضوعسونداکي اوميدلري نين سونا چاتديغي نؤقطه ده، تشکيلات عوضولرينه شرفلي و مقبول، آما بير او قدر ده دؤولتين ايداره سينده بير چيخيش قاپيسي بوراخيلماسي لازيمدير.بوندان سونراکي مرحله ، يعني دؤردونجو و سون مرحله ايسه تئررور تشکيلاتي نين ايستيثمار ائتديگي مؤوضوعلاردا موخاليفتين قانوني و قانوني زمينلره سوروشدورولمه سيدير. بو مرحله يه قارشيدورما موحيطيني سويوتما و يا باريشما دؤورو ده دئييله بيلر.
بو شابلون ايله موقاييسه ائتديگيميزده 19 اوکتيابر 2009 گونو 8ي پ.ک.ک ميليتاني، 26ي پکک- ه ياخين کسلرين قالديغي بيلينن ماهمور دوشرگه سيندن 26 وطنداشين تسليم اولماسي بو مرحله لر ايچينده اوچونجو مرحله ده اولدوغوموزو گؤسترير. هئچ اولماسا بو تسليماتي (ائوه دؤنوش) حاضيرلايانلارين بو دوشونجه ده اولدوقلاري آيدين اولور. بير ايستيقامتييله باخيلديغيندا بئله دوشوننلر حاقلي دا، چونکي پکک- نين تکلشديريلمه سي اؤنملي نيسبتده تاماملانميش وضعيتده. آ.ب.ش خزينه ناظيرليگي نين کئچديگيميز هفته آلديغي قرارلا پکک- نين اؤنده گلن باشچي لاريني نارکوتيک قاچاقچيسي اعلان ائتمه سي و حسابلارينا ال قويماسي پکک- ه وورولموش ان سون و ان اؤلومجول ضربه لردن ايدي. کئچديگيميز ايل ده بنزري بير قرار آلان واشينقتون رهبرليگي پکک- ه چوخ دقيق بير شکيلده "يا تورکييه ايله راضيلاشارسان، يا دا چوخ بؤيوک ضرر گؤررسن" مئساژيني وئردي. آ.ب.ش يالنيز نارکوتيک کاناليندان پکک- نين اوزرينه گئتمير، درحال هر يئرده بنزري مئساژلاري پکک- ه وئرير. خوصوصيله ده بارزاني و طالاباني اوزرينده سيخ بير تضييق ائدير. چونکي پ.ک.ک آرتيق آبش- ين بؤلگه سيياست لرينه ضرر وئرن اؤنملي بير مانعه حالينا گلدي. اصلينه باخسانيز بو وضعيت 1999دا دا آز چوخ بئله ايدي و پ.ک.ک ‘ايپي چکيلميش بير تشکيلات ايدي. عيراق دؤيوشو و 1 مارت سندي پکک- نين اوزاتمالاري اويناماسيني تأمين ائتدي. 2007 بوش-اردوغان راضيلاشماسي ايله بيرليکده ايسه اوزاتما دؤورو ده باغلانماغا باشلادي. باراک اوبامانين باشچي سئچيلمه سييله ايله بيرليکده آ.ب.ش و تورکييه نين پ.ک.ک اوزرينده قوردوغو تضييق داها دا آرتماغا باشلادي. عيراقدان چيخما ودينده اولان و مرحله لي اولاراق عسگرلريني چکن آ.ب.ش بوندان سونراکي دؤورده پ.ک.ک ايستمير.
تشکيلاتين تکلشديريلمه سينده ان اؤنملي آکتيورلاردان بيري ده معسود بارزاني البتته. بارزاني آبش- ين تضييقلري نين يانيندا داواملي اولاراق تورکييه طرفيندن ده سيخيشديريلير. تورکييه بعضاً تهديدله، بعضاً ايسه موکافات گؤستره رک پکک- ليلر اورادا اولدوغو سوره جه علاقه لرين دوستانه بير خطده اينکيشاف ائتميه جگيني وورغولايير، "پ.ک.ک ائده جگيميز قاتقيلارين قارشيسيندا بؤيوک بير مانعه" دئيير. حتی بغداد دا تورکييه ايله امکداشليغين اؤنونده کي تک مانعه نين شيمالي عيراقداکي پ.ک.ک وارليغي اولدوغونو ايفاده ائده رک ائربيلي بير شئيلر ائتمه يه مجبور ائدير. نئجه کي 34 پکک- لي نين تورکييه يه گلمه سيندن بير نئچه گون اول بارزاني نين پکک- ليلره "آرتيق سيزي کورگيميزده داشييا بيلميريک، هارا گئده جکسينيزسه پيون اول گئدين" دئديگي آيدين اولور. باشقا بير دئييشله پ.ک.ک اوچون چئوره چوخ دارالدي و گئتديکلري يئره ده قالديريلاماياجاق درجه ده يوک اولورلار.
بؤلگه آرتيق قديم بؤلگه دئييل: تورکييه قونشولارييلا سورييا، عيراق، ايران و ائرمنيستانلا دا ياخينلاشير. کئچميشده تئررور تشکيلاتينا ان بؤيوک سيغيناجاق اولان سورييا و اونون تاثير ساحه سينده پکک- ين سيغينا بيلمه سي مومکون دئييل آرتيق. شام رهبرليگي سون 7 ايل ايچينده تخمينن 100 پکک- ليني تورکييه يه تسليم ائتدي. هارادا تشکيلات عوضولريني گؤرسه ان آز تورکييه قدر دوشمن گؤرموش کيمي اولور. پکک- ين عيراق دؤيوشو ايله بيرليکده آبش- دان سوره اوميد ائتمه سي و بير قولونون پژاک اولاراق ايراندا رئژيمين آلتيني اوياجاق سيلاحلي حرکتلره گيريشمه سي ايراني دا پ.ک.ک علئيه داري بلوکا آتدي. تهران پکک- ي آبش- ين بؤلگه ده کي داوامي حساب ائدير و گؤردويو يئرده باشيني ازمه يه چاليشير. باشقا بير دئييشله عئينيله سورييا کيمي ايران دا تورکييه نين دئديگي نؤقطه يه گلمک مجبوريتينده قالدي. اورتادا بير تک عيراق قالدي، اورادا دا پکک- نين مانور ساحه سي هر کئچن گون دارالير.
باشقا بير دئييشله آراليق دنيزيدن قارادنيزه قدر اولان بوتون شرق خطي اوزرينده پکک- نين بير سيغيناجاق تاپماسي کئچميشله موقاييسه ائديله بيلميه جک قدر چتين. کئچميشده پکک- ه ياتاقليق ائتميش اولان يونانيستان و جنوب قيبريس داهي پکک- نين احتيياجيني قارشيلاياجاق بير دستگي وئره بيلمه سي مؤوجود شرطلرده آز قالا غئيري-مومکون. بوتون بونلارا علاوه اولاراق تورکييه نين سرحد کناريندا تاثيرلي عملياتلار ائتمه حاقي و ايمکانلاري دا مؤوجود. قيساجاسي پ.ک.ک اوچون بين الخالق شرطلر چوخ دييشدي، تشکيلاتين تکلشديريلمه سي مؤحکم بير تجريده چئوريلدي.
ايچريده ده منگنه دارالير
يالنيز چؤلده دئييل، ايچريده ده پ.ک.ک اوچون منگنه دارالير. اولجه سياسي ساحه ده تئررور تشکيلاتي نين ايستيثمار ائتديگي نه قدر مؤوضوع وارسا دؤولت بونلاري تک-تک تئرروريست لرين اليندن گئري آلير. کوردجه ني 25 ايلدير تئرروريست لره ترک ائتميش اولان آنکارا، اؤز وطنداشي نين ديلينه و مدنيتينه صاحیب چيخير. کوردجه نشرياتدا تورکييه ده تکل قالميش اولان تشکيلاتين قارشيسينا ت.ر.ت شئش چيخاريلدي و خوصوصي کوردجه کاناللارين دا ياخيندا گله جگي آيدين اولور. دؤولت کورد شخصيتيني تانيماقلا قالمادي، اينکيشاف ائتديرمک اوچون بللي آدديملار دا آتماغا باشلادي. کوردجه آراما مرکزلري، کوردجه صنعت فعاليتلرينه تصديق و حتی بونلارين دستکله نيلمسي، اونيوئرسيتئت لرده کوردولوژي ايشلري اوچون اؤن حاضيرليقلار، آتيلان آدديملاردان يالنيز بير نئچه سي.عئيني شکيلده ايقتيصادي ساحه ده ده راديکال آدديملار آتيلير.
سون دؤرد ايلده بؤلگه يه ائديلن سرمايه لر مثلا بوتون جومهوريت تاريخي بويونجا ائديلميش سرمايه لرين بير نئچه ميثلي. خيابان لار، ‘دوبله يوللار و ديگر سرمايه لر ايله بؤلگه تيکينتي گؤرونوشونده. ميليونلارلا آدام دؤولتدن ايجتيماعي کؤمک آلير، ايجتيماعي خيدمت لرينده خوصوصيت و حال اولاراق جيدي ياخشيلاشمالار ياشانير. البتته خيدمتلر هله ايدئالين چوخ اوزاغيندا، آنجاق نيسبي ياخشيلاشما کيمسه نين ردد ائده بيلميه جگي قدر آچيق و جنوب-شرق آرتيق "گئتمه سه ک ده گؤرمه سه ک ده" دئييله بيله جک بير يئر دئييل.
قيساجاسي ايستيثمار ساحه لري بير-بير باغلانير، هئچ اولماسا ياخشيلاشمالارين بؤيويه رک داوام ائده جگي حيسي بؤلگه يه ياييلير. خالقين اوميدلري آرتارکن، تئررورلا نتيجه الده ائتمه مؤوضوعسونداکي اوميدلر قيريلير.
تشکيلاتي ايچريده تکلشديرن ان اؤنملي اينکيشافلار ايسه 2005-جي ايلده آوروپا بيرليگي ايله تام عوضولوک موذاکيره لري نين باشلاماسي و آنکارانين دئموکراتيکلشمه مؤوضوعسوندا آلديغي راديکال قرارلار اولدو. تئررور ضرر چکميشي بؤلگه بو آدديملار ايله تورکييه نين سيراوي بير آ.ب اؤلکه سي اولماق مؤوضوعسوندا قرارلي اولدوغونو، مودتين مووفقيتي حاليندا پاريسلي ايله دييارباکيرلي آراسيندا ياسال حاقلار مؤوضوعسوندا بير فرق قالماياجاغيني دقيق بير شکيلده آنلاميش اولدو.
بوتون بونلارا علاوه اولاراق ائرگئنئکون ايديعاسيندا تورکييه کئچميشده ائديلن اينسان حاقلاري پوزونتولاري نين بير دؤولت سيياستي اولماديغيني، کئچميشده اؤزونو دؤولت سانان و اطرافلارينا دا ائله تقديم ائدن شبکه لرين و بعضي کسلرين سيياستلري اولدوغونو ثوبوت ائتدي. دؤولت خالق نئزدينده صميميت تئستلريندن بير نئچه دفعه کئچرکن، تئررور تشکيلاتي ايجتيماعيت گؤزونده ائتديگي سهولر ايله داواملي اولاراق مئوزي ايتيردي.
ائرگئنئکون و کجک
اوپئراسيونسال سويييه ده ايکي ايديعانين مودتي آسانلاشديريجي تاثيري اولدو. ائرگئنئکون ايديعاسي سايه سينده دؤولتين ايچينده کي قارانليق شبکلشمه لرين الي قولو باغلاندي. تخريباتلاريني يا ائده بيلمه ديلر، و يا ائتسه لر ده گؤزله ديکلري تاثيري مئيدانا گتيره بيلمه ديلر.
ديگر طرفدن تهلوکه سيزليک تشکيلاتي نين ايجرا ائتديگي کجک عملياتلاري سايه سينده چؤلده بيتن پکک- نين شهر تئررور تشکيلاتي حالينا گلمه سي اؤنلنميش اولدو. اگر بو عملياتلار ائديلمه ميش اولسايدي پ.ک.ک چؤلدن شهرلره سوروشه جک، بير نؤوع وطنداش ايطاعتسيزليک حرکتي و اونون شهر تئررور تشکيلاتي حالينا گله جک ايدي. بو مقصدله تشکيلاتين بئيين کومانداسي د.ت.پ خاريجينده اونيوئرسيتئت لره، پئشه لره، بلديييه لره و ديگر تاثيرلي شهر تشکيلاتلارينا سيزماغا باشلاديلار. شهرلرده آوتوموبيل يانديرما و ديگر قونداقلامالار دا بو تشکيلاتلانمانين ايشي ايدي. لاکين کجک عملياتلاري بو هوه سي تشکيلاتين کورساغيندا بوراخدي و تهلوکه سيزليک گوجلري بؤيوک بير ديقتله، سانکي ياغدان ائت چکر کيمي تشکيلاتين کيليد آدلاريني شهر تشکيلاتلاريندان بير-بير آلدي و بو تشکيلاتلاري بير معنادا راحاتلاشديردي. اوزريندن ان چوخ يوک آلينان ايسه د.ت.پ اولدو.
بئلجه پ.ک.ک دييشن شرطلره اويغون گله رک يئني بير حالا کئچمکده مجبور ائديلدي. عئيني شکيلده تهلوکه سيزليگين شهرلرده کي مووفقيتلي کشفيات فعاليتلري سايه سينده تشکيلات حرکت ائتمکده ده مجبور ائديلمه يه باشلادي. بو يوللا درين پکک- نين، يا دا مودتي بالتالايا بيله جک تشکيلات ايچينده کي هوجئيره لرين ايشلري مانعه تؤره ديلدي يا دا تاثيرسيز حالا گتيريلدي.
بوتون بونلار اولارکن عسگري عملياتلار دا داوام ائتدي. عيراقين شيمالينا دؤنوک هاوا عملياتلارينا علاوه اولاراق گونش قورو عملياتي ايقليم شرطلري نئجه اولورسا اولسون پکک- ه هر آن ضربه وورولا بيله جگيني ثوبوت ائتدي.
بئلجه پ.ک.ک حرکت ائده بيلمز حالا گلدي. حرکت ائتديگينده ايسه بو حرکتلردن گؤزله ديگي فايداني تاپا بيلمه دي. مثلا دييارباکيردا درسخانا قارشيسيندا پارتلاتديغي بومبالايار پکک- ه فايدا دئييل، ضرر وئردي. بومباچيلاري دييارباکيرليلار خبر وئررکن، تشکيلات ائتديگي بير چوخ حرکتي بوينونا گؤتوره جک اوزو داهي اولا بيلمه دي. سون بير سعي دييارباکيردا وطنداش ايطاعتسيزليک مودتي باشلاديلماق ايستندي، آنجاق شهر بيزنئسمه ني آچيقجا تشکيلاتي تنقيد ائتدي. پکک- ين بؤلگه ده ائتديگي درحال هر حرکت خالق نئزدينده بؤلگه اينسانينا ضرر اولاراق گؤرولمه يه و بو ايستيقامتده تنقيد اولونماغا باشلاندي. ايستانبولدا باشلاديلان آوتوموبيل يانديرما حرکتلري ايسه پوليسين سيخ تعقيبي و خالقين هوجوملارا دستک وئرمه مه سي نتيجه سي اوچ بئش آدامين هوجوملاري اولاراق قالدي.
خولاصيله پ.ک.ک يالنيز چؤلده دئييل، ايچريده ده حرکت ائده بيلمه ين، ائتديگي حرکتلردن فايدا گؤره بيلمه ين، هم ايدئولوژي هم ده ماددي معنادا کونجه سيخيشديريلميش بير تشکيلاتا دؤندو.
وظيفه سيني ايتيرن تشکيلات اوچون چيخيش قاپيلاري آزالدي.
بئلجه تشکيلاتين تکلشديريلمه سي و تئررورلا نتيجه آلا بيله جگينه داير اوميدلري نين قيريلماسي مرحله لري ده بؤيوک نيسبتده تاماملانميش اولور. بوندان سونرا گئرييه ايکي مرحله قالدي. بونلاردان ايلکي تشکيلاتي تاماميله داغيتيلاجاق اعتيبارلي چيخيش يولونون تأمين ائديلمه سي، سونونجوسو ايسه ياسال و قانوني موخاليفت زميني نين حاضيرلانماسيدير.
چيخيش قاپيسي وئريلمه سي شرط
بو آندا پ.ک.ک کونجه سيخيشديريلميش آچ بير پيشيک کيمي. اگر اوزرينه داها چوخ گئديلر ايسه سون بير هوجوم ايله قانلي هوجوملاردا اولا بيله جک. اگر ديقتلي بير شکيلده تشکيلاتي ايچريدن چؤکدورمه عملياتي ائديله بيلمز ايسه تشکيلات بير نئچه پارچايا بؤلونه بيلر و مارژينال، آما يئنه ده قانلي بير تئررور تشکيلاتي اولاراق يولونا داوام دا ائده بيلر. چونکي تئررور ائتمک اوچون مينلرله ميليتانا احتيياج يوخ. 50 و يا 100 آدام ايله ده قانلي بير تئررور تشکيلاتي اولونا بيلر. بو سببله تورکييه نين ائتمه سي لازيم اولان پکک- ليلرين اطرافينداکي منگنه سيني شعوورسوزجا دارالتماق اولماماليدير.
چئوره بير طرفدن دارالديلارکن، ديگر طرفدن اعتيبارلي و ايداره لي بير چيخيش قاپيسي حاضيرلانمالي، چئوره ده کي دارالما تئرروريست لري بو مقبول چيخيش قاپيسينا يؤنلتمه ليدير.
قيساجاسي بوندان سونراکي دؤورده پوليس عملياتلاري و چؤلده کي عملياتلار، سياسي و حوقوقي آدديملار هميشه تعيين اولونموش چيخيش قاپيسي نين ايستيفاده سيني آرتيرماق اوچون اولماليدير. 34 آدامين داغدان ائنيشي اصلينده دؤولتين بئله بير چيخيش قاپيسيني حاضيرلاديغيني گؤسترمکده دير. آنکارا بير طرفدن داغدان ائنيشي آسانلاشديراجاق قانوني تنظيملمه لره فوکوسلانماقدادير، ديگر طرفدن ده داغدان ائننلرين ايکينجي بير شانسا صاحیب اولاجاقلاري مئساژلاريني وئرمکده دير. 19 اوکتيابردا 8 پکک- لي و 26 ماهمور دوشرگه سي ساکيني نين هابوردان گيريشينده دؤولت حوقوقو دا، سيياستي ده مجبور ائده رک اليندن گله ني ائتدي. آنجاق بنزري ايفاده لري ‘قارشي طرف^ اوچون سؤيله يه بيلمک اولدوقجا چتين. د.ت.پ و پ.ک.ک هم صميميت تئستيني کئچه بيلمه ديلر، هم ده تسليمي شوويا چئويره رک آچيليمي ريسکه سوخدولار. بعضي دتپلي لر سهولريني آنلايينجا "بو قدر سئوينمگي بيزه چوخ گؤرمگين. باريشي چوخ داريخديغيميز اوچون بئله سئوينديک، يوخسا باشقا بير مقصديميز يوخ ايدي" دئمه يه باشلاديلار. دوغروسونو ايسته سنيز اوزرو قباحتيندن بؤيوک بير شرح. بؤلگه اينساني نين سئوينجي، دتپ- ليلرين باريشي قئيد ائتمه احتيياجي آيدين اولا بيلر. آنجاق مقصدي باريش اولان بير پارتييا تسليم اولموش تئرروريست لري تئرروريست پالتاري ايله شهر شهر گزديرمز. اونلارا دؤيوش قازانميش قاضي رفتاري ائتمز. اگر پکک- ليلر تسليم اولدوقدان سونرا دؤولت بونلارين اللريني قانداللاسا و آرديندان دا بير تانکين اوزرينده شهر مئيدانلاريندا "ايشده مغلوب ائتديگيميز تئرروريستلر" دئيه شوو ائتميش اولسايدي آنجاق او زامان دتپ- نين ائتديگي سهوه يول وئرميش اولاردي. باشقا بير دئييشله دؤولت دتپ- ه نه قدر کرئديت آچسا آچسين د.ت.پ بو کرئديتي بير چيرپيدا بيتيرير. باريش يولوندا اويناماسي لازيم اولان روللاري اويناماديغي کيمي، بعضاً يانغينا قيزيشدير قاچير، آلوولارين اوزرينه سو يئرينه بئنزين تؤکور. د.ت.پ بو حالييلا يالنيز تورکييه يه دئييل، اؤز سئچيجيسينه ده خيانت ائدير.
پکک- نين قويروغو ديک توتما، غورورونو قوروما سعيي بير نؤقطه يه قدر آيدين اولا بيلر، آنجاق ائديلن شوو بو مقصدي ده آشدي. عومومي منظره يه باخيلديغيندا تئرروريست لر اوچون حاضيرلانميش اولان چيخيش قاپيسي نين اولماسي لازيم اولاندان داها گئنيش قالديغي و بعضي آدديملار اوچون هله زامان لازيم اولدوغو آيدين اولماقدادير. اگر پ.ک.ک و دتپ- نين رفتاري بو شکيلده اولماغا داوام ائده جک ايسه تشکيلات اطرافينداکي منگنه داها دا دارالديلماليدير. عکس حالدا بو طرز شوولار منگنه يه آلينميش اولان پکک- ه منگنه سيني قيرما ايمکانلاري دا وئره بيلر.
اؤجالان فاکتورو
منگنه نين دارالديلماسيندا اؤجالان فاکتورو گؤز آردي ائديلممه ليدير. سانيلانين عکسينه اورتادا آزاد ايراده سي اولان بير د.ت.پ يوخدور. پ.ک.ک ده مؤوجود حالييلا اؤجالانا گؤره مؤوقئع گؤتورمکده دير. بو گئرچکلره باخماياراق دتپ- دن موستقيل بير سياسي پارتييايميش کيمي مسئول داورانماسي گؤزله نيلسه بؤيوک بير سهو اولار. منگنه سيني دارالتمادا تضييق ائديله جک ايکي نؤقطه واردير؛ بونلاردان ايلکي ايمراليدير، ديگري ايسه پ.ک.ک تشکيلاتلانماسي. د.ت.پ بو مرحله ده چوخ تأسوف کي تاثيرسيز ائلئمئنتدير، بوتون ايراده سي تئررور تشکيلاتي طرفيندن ايشغال ائديلميشدير. اگر کجک عملياتلاري داوام ائده بيلسه دتپ- نين اوزرينده کي ايداره ده زامانلا قالخا بيلر. اؤجالانا باخيلديغيندا ايسه قارشيميزدا تاماميله من-مرکزچي بير آدام اولدوغو آيدين اولار. اؤجالانين تک قايغيسي شخصيدير، پکک- نين، حتی کوردلرين وضعيتي بئله اونون اوچون ايکينجيل گؤرونمکده دير.
تسليمات نئجه اولمالي ايدي
19 اوکتيابر و سونراسيندا اورتايا چيخان منظره چوخ تأسوف کي تورکييه نين پکک- ه قارشي آلديغي مسافه ديقته آلينديغيندا دؤولته ياراشمادي. کونجه سيخيشميش بير تشکيلاتا يئنيدن تبليغات ائتمه ايمکاني وئريلدي، دؤولت حاضيرليقسيز توتولدوغو تصوراتيني وئردي. ياخشي پکک- ليلرين تسليماتي نئجه اولمالي ايدي؟
اولجه قانوني زمين حاضيرلانمادان بئله بير مرحله يه کئچيلممه ليدير. تشکيلاتدان قاچاراق دؤولته سيغينان کسلر ايله تشکيلاتين راضيليغي نتيجه سي تورکييه يه گلن کسلر عئيني کفه ده قييمتلنديريله بيلمز. حوقوق اوزرينده بو قدر سيخ بير مجبور ائتمه يه احتيياج يوخدور.
ايکينجي اولاراق محکمه حاکيمي نين و يا ساوجي نين سرحد قاپيسينا گئتمه سينه گرک يوخ ايدي. تسليم اولانلار چوخ ياخشي آنکارايا و يا باشقا بير يئرده قورولاجاق فؤوق العاده صلاحيتلي بير ساوجييا و محکمه يه آپاريلماسي مومکونيدي. بوندان سونراسيندا ايسه تسليم اولان کسلرين سياحت و آچيقلاما آزادليقلارينا سرحد گتيريله بيلردي. بللي بير پوليس بؤلمه سيده سحر آخشام ايمضا آتما ضروريليگي، حتی بعضي يونگول ايجتيماعي خيدمت جزالاري کيمي تدبيرلر ده آلينا بيلردي. داغدان ائنن لر اوچون ضروري پسيخولوژي دستک پروقراملاري دا دوشونوله بيلردي. بوتون بونلارا علاوه اولاراق تسليم اولانلارا سربست قالمالاري نين آرديندان نه ائتسه لر ائتسينلر سربست قالا بيلميه جکلري ده خاطيرلاديلمالي ايدي. اونوتماماق لازيمدير کي بورادا چتين وضعيتده اولان اؤجالاندير، مودتي اؤز لئهينه چئويره بيلمک اوچون هر جور بازارليغا آچيق اولان آدام تشکيلاتين کاپيتان اولان آدامدير. بورادا چئوره يه آلينميش اولان تشکيلاتدير، دؤولت دئييل. بو سببله مودتي داوام ائتديرمک اوچون گؤستريلن ديقت تقدير ائديلمکله بيرليکده، تسليم اولان کسلرين ده بنزري بير ديقت گؤسترمه مه سي وضعيتينده مودتي داها چوخ مجبور ائتمه يه احتيياج يوخدور.
قيساجاسي بوندان سونراکي تسليم اولمالاردا پکک- ليلرين محکمه دن کوچه يه سالينماسي يئرينه ضروري رئهابيليتاسيون موعاليجه سي و عدلي تعقيب مئخانيزملري اينکيشاف ائتديريلمه لي، بو کسلره شهر شهر گزه رک تشکيلات تبليغاتي ائتمه ايمکاني وئريلممه ليدير. عکس حالدا اؤزونو بيلمز بير نئچه آدام بوتون بير اؤلکه نين قدرييله اويناما نؤقطه سينه گله بيلر.
سون اولاراق تئررورون سونا چاتديريلماسي مودتينده ايجتيماعيت حاضيرلانمادان هئچ بير آدديم آتيلماماليدير. بئله سينه بؤيوک بير آدديمي آز قالا سورپريز بير آدديملا ائتمک دؤولت باخيميندان بير نؤوع اينتيحار اولموشدور. 34 آدامين تسليم اولماسي مودتي آز قالا تاماميله بيتيره بيله جک بير آدديما چئوريلمک اوزره ايدي. دؤولت اونوتماماليدير کي تئررورون سونا چاتديريلماسي يالنيز تئخنيکي بير مؤوضوع دئييل. بورادا حيسس لر بعضاً تئخنيکي احتيياجلاردان داها اؤنملي حالا گله بيلر. دؤولتين مأمورلاري نين خاريجينده ايجتيماعيتي بير سونراکي آدديم مؤوضوعسوندا معلوماتلانديراجاق، اونو حاضيرلايان وطنداش کاناللارا دا احتيياجي وار و ائديلن او قدر دينله مه ييغينجاقلارينا باخماياراق هله ان ضعيف قالينان آلان بوراسيدير.
قایناق : www.oyrenci.com
هیچ نظری موجود نیست:
ارسال یک نظر