صفي الدين اورموي، زرتشتون بئشيگي اوْلان محتشم اورمو ديارينداندير.صفي الدين-يوسف اوْغلو1213-ميلاددا اورمو شهرينده دوْنيايا ﮔﺅز آچير و گنج چاغلاريندا عائله وي اوْلاراق باغداد شهرينه ﻛﺅرچورلر. بو استعدادلي گنج خطاط وموسيقي چي سوْنرالار موسيقي دوْنياسنين ﺑﺅيوك عاليملريندهﻥ بيري كيمي تانينماغا باشلايير و اﺅز دوغما يوردو،اورمو شهرينه آرتيق باغليليغي اوْلدوغونا و ائلهﺟهﺩه يئري گلديكده اﺅز شهرينه دﺅندويونه ﮔﺅره ،صفي الدين اورموي آدلانمشيدير.صفي الدين1289 م.دا تبريزده بير ﮔﺅروشده بئله دئميشدير((يئني يئتمه چاغلاريمدا باغداد شهرينه گئتديم.باشقا علملرله بيرليكده خطاطليق و عود چالماغي اﺅيرنديم.عود چالماغيم داها گوْجلويدي. آمما خطاطﻟﻴقدا شهرت تاپديم وباغداد شهرينين كيتاب خزانهﺳينين مسئولو اوْلدوم. بير گوْن شاگردلريمدهﻥبيريسي خليفه نين حضوروندا ﮔﺅزه ل هنر ﮔﺅسترير. خليفه سوْروشوركي بو هاواني كيمدهﻥ اﺅيره نيبﺳن؟ جواب وئرير: منيم معليمم اورمولي صفي الدين دير. خليفه مني چاغتديردي، و من عود چالديم. خليفه يه خوْش گلدي.بويوردي منيم مجلسلريمده اوْلماليسان. هر ايل بئش مين دينار وئردي.مغول خاني هلاكوخان باغداد شهريني آلديقدان سوْنرا منيم چالغيمي سئودي وايكي قات وئردي. سوْنرا ملك جويني لريله اوْلدوم وداها آرتيق گليريم اوْلدو وعلاءالدين ايله شمس الدين اﺅلندهﻥ سوْنرا، زامان مندهﻥ اوْز چئويردي. )) اورمولي صفي الدين تبريزده بو ﺳﺅزلري ﺳﺅيله ديكدهﻥ دﺅرد ايل ﺳﺅنرا 1293م.دا نزوللو بوْرجا دوْشدوگو اوْچون زينداندا دوْنيادان گئدير.واقتي ايله يوْلداشلاري اوْچون 4000 دينارليق عطر و ميويه پول وئرن صفي الدين ، قوجاليق چاغلاريندا 300دينار بوْرج اوْچون،زينداندا جان وئرير. هئنري جورج فارمر يازير((صفي الدين اورموي بيرينجي موسيقي عاليمي دير كي ،12- موغامي فوْرمالاشديرميشدي وآرتيرير،بو اعجوبه ودانشمندين نفوذ وچوْخ گئنيش و آرديجيل اوْلوب واوْندان سونراكي بوتون موسيقي وموغام نظريه چي لري اوْنا ﺳﺅيكه نيب (دايانيب) ومراجعه ائديبلر واوْنون اﺅنونده باش اييبلر)). اورموي نين الادوار كيتابي انگليس موْزهﺳﻴنده ساخلانير. او الادوار كيتابيندا 12- موغامي بئله سير الاشديريب ((عشّاق، نوا، ابوسه ليك، راسين(راست)،عراق،زيرافكند،بزرگ، زنگوله، راهور، حسيني، حيجاز و سلمك)) بو 12-موغام بير نئچه قرن داوام ائدير. ميلادي14-نجوعصرين سوْنلاريندا باشلاياراق بو تركيب ده گشمه يه باشلايير و بو موغاملارين بعضي سي شعبه موقعي آلير وبير چوخ اﺅلكلرده او جمله دهﻥ آذربايجاندا،7-اساس موغام قبول اوْلونور:((راست، شور،سه گاه،چهارگاه،بيات شيراز، ماهور و همايون)).اورموي نين ايكينجي اثري ((رساﺔﻠ الشرفيه))دير كي برلين ،پاريس وين و قاهره موزلرينده ساخلانير وبو اثرده اورموي نين اﺅزونه مخصوص اوْلان نوتلار،ال يازماسي اوْزره موجوددور. آذربايجانلي بو ﺑﺅيوك موسيقي عاليمي بير نئچه سازين ياراديجي سي اوْلوب واوْنون آدينا گئرچك(حقيقت) داستانلار باغلانيب كي،سْن اوْلاراق اونلارين ايكي سينه اشاره ائديريك: بيرينجي روايت، اورموي باغداد باغلارينين بيرينده عودو ائله مهارتله چالدي كي،بير بولبول چه-چه وورا-وورا اﺅزونو عودون سيملرينه چيرپدي. ايكينجي روايت ، اورموي اﺅزونو هلاكو خانا چاتديراراق عود چالديقدا ،هلاكو خانين كينه سي ﺳﺅنور و قوْشونا امر وئرير كي ،قتل قارتدهﻥ ال ﮔﺅتورسونلر.
قايناق:
هیچ نظری موجود نیست:
ارسال یک نظر