کرار جاسم محمد تیراکتورون عراقلی اویونجوسو ۲۶- نجی دقیقه‌ده پنالتی نقطه‌سیندن تیراکتورون ایلک و سون قولونو آتدی وبئله‌لیکله بوتون ایستادیوم جوشدو
ایرانین حرفه‌ای لیگی، سوپر لیگین ۱۸-نجی هفته‌سینده آزربایجانین تیراکتور تیمی، تبریزده پرسپولیس تیمینی آغیرلادی.
چوخ حساس و اؤنملی بیر قونومدا اولان بو اویوندا، گئنه ده آزربایجان تورکلری تبریزده‌کی یادیگاری ایمام ایستادیومونو دولدوردو و ۱۰۰ میندن آرتیق طرفدار، تیراکتورو تشویق ائتمک اوچون هیجانلا گؤزل آلقیشلامالارا باشلادی.
بو گونکو اویوندا دا تیراکتورچیلار مسابقه‌یه اؤز دامغالارینی ووردو و بیر داها آذربایجان فوتبالی‌نین عیارینی و دگرینی گوستردی.
اویون تیراکتور فوتبالچیلارین آرد آردا حمله‌لری ایله باشلادی و بو تاکتیکسل اویون ۲۶- نجی دقیقه‌ده چوخ هیجان وئریجی بیر نتیجه‌یه چاتدی.
کرار جاسم محمد تیراکتورون عراقلی اویونجوسو ۲۶- نجی دقیقه‌ده پنالتی نقطه‌سیندن تیراکتورون و اویونون ایلک و سون قولونو آتدی و بئله‌لیکله بوتون ایستادیوم جوشدو.
۶۳- جو دقیقه‌ده تیراکتور تیمیندن جاسم کرار اویوندان ایخراج اولسادا تیراکتور تیمینین اویونجولاری گئری چکیلمدن اویونو سونونا قدر اوستونلوک ساغلایاراق دوام ائتدی.
آزربایجانین تیراکتور سازی تیمینین بو غلبه‌سی ایله ۱۷ ایللیک طیلیسمینه سون نقطه قویولدو و بئله‌لیکله تیراکتور چوخ ادعالی اولان پرسپولیسی یئندی و گئچدی.
بو نتیجه ایله تیراکتورچیلار ۵-نجی سیرایا یئرلشه‌رک اویون جدولینده ۲۸ پوئنله پرسپولیسین تام اوستونده اتوردو و گله‌جک اویونلاردا یئنه ده اؤز قابلیتلرینی گوسترمه‌یه حاضیر اولدوقلارینی یوکسک سسله اعلان ائتدی.
قایناق: http://tinyurl.com/37fjksf
هیچ نظری موجود نیست:
ارسال یک نظر