1- آت آلماسی: مئیوه دیر. دویه رله ر،تیریق اوچون یارارلی دیر.
2- آت آلماسی(آت گوتی): کوکونو قاینادارلار، بویره ک و سودوک تورباسی داشی اولسا اریدیب سالار.
3- آردیج: آغاجدیر. ده مله رله رگوز آغرییا و سویو ایت دیرسه گینه یارارلی دیر.
4- گیله نار(آلبالی) سایاغی: ده مله نه ر سانجیا یارارلی دیر.
5- اریک آغاجینین گیتیرگه سی: دیش آغریسینا یارارلی دیر.
6- امه کومه جی: دویو ایله یئسه ن جانی یوموشالدار.
7- اوزه رریک: اوزه رلیک، توستوسو اعصاب اوچون یارارلی دیر.
8- اوشقون(اوشغون): اوشقون قابیغی نین سویو قاش توکونه یارارلی دیر.
9- اووه له ک: گووده نین کوپون آلار. ده ری کوپوشگه ینده و قاشیناندا ده مله ییب ایچه ر له ر.
10- اووه له ک(آش ته ره سی): ده نین ده مله ییب ایچه ر له ر. تیتره مه یه یارارلیدیر. قورخان آد اما ایچیرده ر له ر.
11- اییده آغاجی نین قابیغی: گووده ده شیشه ن بیر عضوون اوستونه باغلاسالار، ساغلادار.
12- یارپیز(بابانه ک): گولو، سانجی، دوش آغریسی و بوغاز گه لم هسینه یارالی دیر.
13- بات بات کوکو: موعه یه ن فورمالاردا حب کیمی قاییرارلار. دوغماق ایسته مه یه ن قادینلار قاباقدان شه فت(شیاف) کیمی ایستیفاده ائده رله ر. دوغماقین قاباغین آلار.
14- باغاسوموگو: توسباغا سومویونو دویه رله ر، آت یاراسینا ساغلادار. فه تق اوچون ده یارارلیدیر.
15- بالدیرقان: ده نی ساریمساقلا قاینادارلار، ته رله مه یه ن آدامی ته ر له ده ر.قولونجا یارارلیدیر.
16- بئش بارماق: بئش یارپاق دا دئیه رله ر. بوتون یارالار اوچون یارارلی دیر.
17- به ن ووشه گولو: گوز دامارلارینا یارالی دیر، گوجله ندیره ر.
18- به زه رگین یاغی: عادت اولان قیز و قادینلارا یارارلی دیر.
19- بوروق-بوروق اوتو: بئل آغریسینا توختاج دیر، قاینادیب پارچا اوسته یاخارلار، بئله باغلارلار توختادار.
20- بوغاناق: تیکانلی اوت دور یاشیل(ته ر-گوی) چاغیندا یئییلسه اوزه گی گوجلو ائده ر.
21- بولاق اوتو: دوغان قادینلارا بیر شئی ده ن ایرگه نسه بیر یئری شیشسه یارارلی دیر.
22- بولاق اوتو: قه ره(قارا) یاتاق لیغا و باشقا سایری لیق له ره توختاج دیر.
23- بولوم: دورد پارچا اولور ایچه ریسی دولو ده ن اولور. سویون بورونا سیخاسان سینه زیته یارارلی دیر.
24- بویاق اوتو: اونون کوکو یومورتا ساریسی ایله بیرلیکده قول قی سینیغینا یارارلی دیر.
25- بویماده ره ن: بوتون گووده ده کی یئللری آرادان آپارار، سانجییا یارارلی دیر.
26- بیله لیک: کولدا اولار. یومورو-یومورو خیردا-خیردا اولار. گوبه گی دوشه نه یارالی دیر.
27- پینتی گوه نی نین گولو: سولوق دارلیغی سایریلیقی اوچون یارالی دیر.
28- تانک اوتی: ایکی اوزون یارپاغی اولور. ایکی یارپاغین آراسیندا بیر یومورو گولو اولور. اونو آش ایله یئیه رله ر. یئمه کده ن دوشه نین کوسه کینی چوخالدار.
29- ته ره: قارینی یوموشادار. سارالانا یارالی دیر.
30- تورشه ک: قانی ته میز له ییر. آغیز آغریسینا و بوغاز آغریا و معده یه یارالی دیر.
31- توکلوجه: معده ده اولان قاراسویو چوله توکه ر. سانجی اوچون یارارلی دیر.
32- جعفه ری: قانی چوخالدار. قوخو و اییله ر آرادان آپارار.
33- جیر-جیر گوه ن گولو: ده مله ر له ر. سانجی اوچون یارالی دیر.
34- چول به زه ره گی: معده یئلی، ییغارینی آرادان آپارار.
35- چیله داغ(چیله داق): قویروق یاغیلا بیرگه دویوب، ایری بیته ن سینیق سومویون سیندیغی یئره باغلارلار. دویونو اریده ر.
36- ختمی گولو: گووده نی ایرینله رده ن ته میزله یه ر. سویوق ده یمه ده دوشو(سینه نی) یوموشالدار.
37- خشه اوتو: حئیوانی کوکه لده ر.
38- داش گولو: داشدا بیته ر. قادینلار ایچه ر له ر. بئل دیسکی سایری لیقینا یارالی دیر.
39- داغ خاشخاشی: بوزمه قابی اولور. نارین ده نه له ری اولور. قابینی دویه رله ر. شه که رله و سودله قاریشدیریب کورپه اوشاغا وئره رله ر. اوشاغی ساغلام ائده ر، واختیندا یاتار.
40- داغ نانه سی: دهم له رله ر. معده نین کوپونو آلار.
41- دامارجا: اوزون و ده نلی اولور. ده مله رله ر، اوره ک آغریسینا یارالی دیر.
42- زه نجه فیر: زه نجه فیل، یئنی اولان اوشاغین یانین چیرتارلار زنجه فیره قویارلار. قره قان گه له ر داها باواسیر توتماز. بویوکله ر گه ره ک اوز له ری ایشییه قابا سونرا ایچینده اوتورا، دوزه له ر.
43- زیرینج: یاغلی یئمه ک یئسه ن، زیرینج یئسه ن راحات لیق گه تیره ر.
44- زیره-کوپ: قارین آغریسی اوچون یارارلی دیر. بوروندان قان آچیلسا قورودار.
45- سوپورگه: قوربان آییندا آجارلی سین زیگیله چه که رله ر یاخشی ائده ر و یاندیرسان حئیوان امجگی گلسه قایتارار.
46- سوتدویه ن: بیر اوت دور. یارانی یاخشی ائده ر.
47- سودا بجه ریله ن نانه: قولونج و آیری لار اوچون یارارلی دیر.
48- سومورقان: اوجا، نارین و توکلو اولور. آغ و ساری ره نگ ده گولله ری اولور. ایچ له رینده شیرین سو اولور. اوره گی گوجلو ائده ر.
49- سویود یارپاغی: اوشاق هسبه سینه یارالی دیر. اوشاغی سویود یارپاغیندا یاتیردارلار.
50- سهلاب اوتو: کوکونو دویوب یئیه سه ن اوسگورمه یه و باشقا درد له ره یارالی دیر.
51- سیری قویروغو گولو: قورودوب ده مله رله ر. یوز درده توختاج دیر.
52- شاه بیزه ک: یا دا بالادون، قارین آغریسینا، قولونج و دالاق ئ قره(قارا) اوسکوره گه توختاج دیر.
53- شاه ته ر(شه ته ره): قانی ته میزله ر. دالاغی ایشه سالار، گووده آغیرلاشاندا یارالی دیر. معده نی توختادار.
54- شاه ته ره سی: ده مله رله ر. خینا ایله باشا یاخارلار. ده رینی و توکو یاخشی ساخلار. معده یه سو دوشسه توختادار.
55- شووه ره ن: قیزدیرمانی آلار، عصب له ری توختادار، یوموشاقلیق دیر.
56- شیرین به یان: معده آغریسینا و معده یاراسینا یارالی دیر. قولونج آغریسینا توختاج دیر.
57- شین گیله: سوتونو ساققیز ائده رله ر دیش له ره یارالی دیر.
58- قاپاقلیقجا: ایسلادیب ایچه رله ر، باغیرساقلاری یوموشالدار.
59- قارا به زه ک(قه ره به زه ک): آریق اولانلارا یارارلی دیر و سه س توتولمایا و بوغاز قوروماسینا توختاج دیر.
60- قارنی یاریق: که سیله ن یارا یئرینه سویونو وورسان قانی قورودار، ساغالدار.
61- قاز آیاغی: کوسه ک آچاندیر. قانی ته میزله ر. بویره ک له ری ته میز له ر.
62- قه ره آغاج قابیغی(قارا آغاج قابیغی): قاینادیب، سویو ایله خه میر ائیله سه ن چیبان و یارا اوسته قویاسان ایرینی آلار.
63- قره شه نگی(قارا شه نگی): قاینادارلار. ده مروو، گون یانیغینا، کئچه ل لیگه و تو توکولمه یه یارارلی دیر. عادت اولان قیز و قادینلارا یارارلی دیر.
64- قه ره گوه ن کیتیرگه سی: ایلیک له ری گوجله ن دیره ر. اوره گین به ندینی یوغونلادار.
65- قه ره گیله: مئیوه سی قانی ته میزله ر. آغاجی اوزون اولار.
66- قه شه نگی: ایرین له ری آرادان آپارماق اوچون یارارلی دیر. قاینادیب سویونو ایچه رله ر گووده نین ایچ قوخولارین آپارار.
67- قه میش: مال حئیوانین گووده نینده ایرینی اولسا ته میز له یه ر.
68- قوض اوزومو: کوره ک آغریسی اوچون یارارلی دیر. قانی ته میزله ر.
69- قوش ایپه گی: قارقادیلی، دوگو ایله بیشیریله سایری له ره یارارلی دیر.
70- قوش قونماز: بیر تیکانلی اوت دور. یاندیریب کولونو یانیق یارایا قویارلار، ساغلادار.
71- قویماق: یاغ لا اونو قاتیب بیشیره رله ر. سوزه نه ک لی آداملارا یارارلی دیر.
72- قیلینج اوتو: قاتیقلا قاینادارلار. باواسیله یارارلی دیر. حئیوان یاراسینا قورد دوشسه ده ران ائده ر.
73- گوگ چیرتیق(کاسنی): قیزدیرمایا یارالی دیر. قانی ته میزله ر، بویره ک و دالاق اوچون دور.
74- کاسیب نوخودو: دالاق، روماتیسم و بویره ک داشلارینا و قان آزلیغینا و شیش(وه ره م) اوچون توختاج دیر، بویره ک و سودوک تورباسی اوچون توختاج دیر.
75- که ندیر گوه نی نین کوکو: اونون بیر قاباقدان ده ریلمیشی نی و بیر ایل قازیلان سوبورگه اوتو و سوغان قابیغینی قاینادیب سویونو دوغمایان قادینلارا وئره سه ن یارارلی دیر.
76- که لیک اوتو(که کلیک اوتو): ده مله رله ر، سویوق ده یمه نی و ایچ زیگلله رینی آرادان آپارار.
77-گول زبان-گوی زبان (گاوی گول زبان-تورکیه تورکجه سی: هودان): قانی دورولدار، اوجالیغی 20 سانت دیر. باشدا اوچ گولو اولور، سودا ده مله رله ر.
78- گه زنه نارین تیکان اوت: پلوولا یئیه رله ر. معده یه و اوره گه یارارلی دیر.
79- گوبه له ک: معده آغرییاندا توختادار.
80- گوگ آتین سودو: لالابند اوتو و ساری گول کی، گیل دیک تیکانی کیمی اولور وایلان قابیغی نی بو سود ده قایناسا ایت ساراطانینا یارالی دیر. اونو آرادان آپارار.
81- گونه باخان اوتو: ائنلی یارپاقلاری اولار. آشلا پیشه اوره ک آغریسینا و یارایا یارارلی دیر.
82- گوه ن کیتیرگه سی: یومورتا ساریسیلا بیرگه، باش توکونه و باش ده ریسینه یارارلی دیر.
83- گویه رچین قانادی: سویون توتارلار. ته ره یه اوخشار،اوت دور. گوزه قان دولاندا، گوز په رده سینه یارارلی دیر.
84- گیرده کان یارپاغی(جه ویز یارپاغی): قاینادیب، باشی یویارلار. توکون توکولمه سینین قاباغین آلار. توکون بیتمه سینه یارارلی دیر.
85- گیل دیک: که ته للی(قابیق لی): گولو اولار ایچینده ایری ده نه لی دمله رله ر اورکده له که له ره یارارلی دیر.
86- گه لدیک: ده نی ایله یئیل هر معده یه توختاج دیر.
87- لالابند: داغدا بیتیر، گولونو ده مله رله ر. آغیز قوخوسونا توختاج دیر. آغیزی سولاندیرار، قورویان آغیزی سولاندیرار.
88- مه نی یاددان چیخارتما: و یا گاو زه بان، دالاق و بویره ک داشی اوچون و بوغاز آغرییا یارارلی دیر.
89- میرام نوخودو: ده نین قاینادارلار، اوره ک آغریسینا یارارلی دیر.
90- میسیم آغاجی نین قابیغی و یارپاغی: قاینادیب ایچه رله ر. بویره گه توختاج دیر.
91- نانع(نانه-نعنا): معده اوچون یارارلی دیر.
92- نوروز گولو: ده مله رله ر. سوت امه ر اوشاق قوساندا ایچیرده رله ، یارارلی اولار.
93- هوو یارپاغی: اونون ده نینی که ره ایله قاتیب یئیه رله ر. نه نه کالاسیندان اوشاقدا قورد اولسا دفع ایله ر. یارانی ساغلادار و ایرینی آرادان آپارار.
94- هوه جودا: چه مه ن اوتونا اوخشار. یئر کوکو زوغونا اوخشار زوغو اولار. سودا قالسا قان کیمی اولار. آغیر یارالارا وورسان، قانینی قورودار.
95- یارپیز(یارپوز): ده مله رله ر. سویوق ده یمه و بوتون ایرینله ر اوچون یارارلی دیر.
96- یئرکئک چارشودون ده نی: ده مله ییب ایچه رله ر. گووده گیزیلتی سینه و اعصابا یارارلی دیر.
97- یئمیشان گولو: ده مله نه ر، بوتون سانجیلارا یارارلی دیر. مئیوه سی قاراسویو چوله توکه ر.
98- یول اوتو: یولون آلت-اوستونده بیتیر، پیلووا قاتارلار. معده یاراسینا و گووده کیسیگینه یارارلی دیر.
99- یونجا گولو: پیچاق کسسه، دویوب اوستونه قویارلار. یارانین قانینی قورودار.
100- خه تمی: قارا جییه ر سایری لیقی و اوسگورمه ک، قارین آغریسیو معده آغریسی اوچون یارارلی دیر.
قایناق: ائل دیلی و ادبیات درگی سی، توپلایان: ارده شیر نه صیری(خانیم خئیره نیسا دیلینده ن)
اته ک یازیلار:
یازی اورتوگرافی و یازیم(املاء)باخیمیندان دئیشیلیب.
تورکجه اولمایان سوزله ر او قه ده ر کی مه نیم بیلگیم وار دئشیلیب.
چوخلو بیتگی له رین نئچه آدلاری وار آنجاق مه ن بیله ن بیتگیله رین آدلارینین نئچه سینی یازیدا گه تیرمیشه م.
اوتاتوختاتی = بیتگی ده رمانلاری
ایرین =چیرک
توختاج = ده رمان
سایریلیق = خه سته لیک، مه ریض لیک
سولوق دارلیغی: نه فه س له ری آغیر گئدیب گه له ن(ته نگی نه فه س)
کوسه ک = ایشتاها
گووده = به ده ن
تیریق = اسهال
هیچ نظری موجود نیست:
ارسال یک نظر