اورمو گؤلو سون ايللرده سؤنمه يه باشلاييب. قوراقليقدان توتموش تا باراژلارين (سدد) اينشاسي و گؤله تؤکولن سولارين باشقا ايستيقامتلره مجراسيني دييشمک کيمي عاميللر، اورمو گؤلونو قوروماق تهلوکه سي ايله قارشي قارشييا گتيريب.
مينلر ايلدن بري آزربايجانين گؤزو و ايشيقي اولان دونيا شؤهرتلي اورمو گؤلونون قوروماق تهلوکه سي چوخ جيديدير. بو باره ده موتخصيصلر هيجان تبلي چالير.
موتخصيصلرين فيکريجه گؤلون گوندن گونه قوروماسي، سويون گئريله ديگي يئرده دوز بوراخير. بو دوز کولک نتيجه سينده آزربايجانين بؤيوک ووسعتده اراضيسينه داغيليب و تورپاقلاريميزي صحرايا چئويربيلر.
گؤلون قوروماسي بؤلگه اؤچؤن قوراقليغا سبب اولاجاق بونونلادا کند اهاليسي نين شهره کؤچمه سي قاچيريلماز اولاجاق. همچنين بونونلا ياناشي گؤلون قوروماسي اينسانلارين سهيييه سينه بير باشا منفي تاثير گؤستره جک.
بو باره ده ائکولوژي موتخصيصلري ايللردير هيجان تبلي چالسادا ايران دؤولتي طرفيندن هئچ بير ژيددي تدبير آلينماييب. بو ايسه آزربايجان، خصوصي ايله اورمو بؤلگه سي اؤچؤن حدسيز اؤنمليدير.
هیچ نظری موجود نیست:
ارسال یک نظر