نئجه كي بيليرسينيز اورمو گؤلو آزربايجان توپراقلاريندا اولان بويوك بير درياچه دير . اوزمانلارين اورمو گؤلؤنؤن ياواش ـ ياواش قوروماسي بارده كي وئرديگي هوشدارلارا باخماياراق منطقه ده اولان سو منبع لرينين موديريتينين دوز اولماديغي ، او جومله ده ن : اورمو گؤلؤنو تغذيه ائده ن چاي لارين اوستونده چئشيدلي سد لرين اينشاسي
، گؤله تؤکولن سولارين باشقا ايستيقامتلره مجراسيني دييشمک ، گؤلؤن ياشام طرزي ني دقیق مطالعه ائتمه ده ن تبریزله اورمونو بیرله شدیره ن کورپونون ( شهید کلانتری ) وورولماسي و هابئله كئچميش ايللرده ياغينتينين آز اولدوغو ايله ايلگيلي بو زيست محيطي فاجيعه نين قاباغين آلماق و گؤلؤن قورویوب ارادان گئتمه مه سي اؤچؤن اولكه نين محيط زيست مسئوللاري طرفینده ن ، هئچ بيرتدبيرلري گؤرؤلمور . محيط زيست مسئوللارينين گزارشي اساسيندا اينديه ده ك اورمو گؤلؤنؤن 150 هيكتاري دوزلاقا چئوريليب 6 متير سويوندان آزاليبدير . ائکولوژي اوزمانلارينين دئديگينه گؤره اگر بو باره ده جيدي بير ايش گورولمه سه اورمو گؤلو 6 الي 7 ايلين ايچريسينده تمامن ارادان گئديب صحرايه چئوريله جك و منطقه نين اقتصادي و اجتماعي ياشامين خطرله اؤزبه اؤز ائده جك .
آزربايجانين گؤزه ل گليني اولان دونيا شؤهرتلي ، اورمو گؤلؤنؤن قوروما سينا اعتيراض اولاراق آزربايجانين ايدمان ساحه سينده اولان تراختور آزاركئش لري طرفينده ن مدني بير شكيلده قيرميز بايراقلار الده اولماقلا چئوره گؤنؤنده ( فروردين آينين 13 ـ ده ) اورمو گؤلؤنو باغريميزا باسماغا چاغيريبلار . بو بيلديريشده ايسته لينيب عاييله وي شكيلده اورمو گؤلؤنه گئدیب نمادين بير حركت ده هر كس بير ميقدار سو درياچه نين كي هر ايل ياريم متیر سويوندان آزالیر و بو سببده ن باعث اولور سویون شورلوغو حددينده ن آرتيق اولوب اورادا یاشایان حشرات اوزه ل لیکله آرتيما نين نسلي آرادان گئتسين ، سو توكوب تا محيط زيست مسئوللارينين آرتيقراق حمايه سيني آذربايجانين گؤزه ل گليني نده ن شاهيد اولاق .
تبريز سسي خبر قوروپو دؤنيا شؤهرتي اورموگؤلؤنؤن نجاتي اوغروندا و زيست محيطي فاجيعه نين قاباغي آلینماق مقصدی ایله تراختور آزاركشلرينین موراجیعتینی دستکله ییب و بوتون آزربايجان سئورلرده ن فعال شکیلده ايشتيراك ائتمه لريني ریجا ائدیریک
گؤروشوموز : چئوره گونو ( فروردين آينين 13 ـ ده ) ساعات 12 ـ ده اورمو گؤلو كؤرپوسو
هیچ نظری موجود نیست:
ارسال یک نظر