Ana Sayfa » , , , , , » آزه ربایجان میللى حؤکومتىنین باشچیسى سئیید جعفر پیشه ورىنین بیرلشمیش میللتلر تشکیلاتینا موراجیعتى Yazısını okuyorsunuz.

آزه ربایجان میللى حؤکومتىنین باشچیسى سئیید جعفر پیشه ورىنین بیرلشمیش میللتلر تشکیلاتینا موراجیعتى

Kategori: , , , , , , Umud Urmulu - دوشنبه, آذر ۰۹, ۱۳۸۸ - 0 comments







دونیانین ان قدیم خالقلاریندان اولان آزه ربایجان خالقى اؤزونون زنگین میللى تاریخینه مالیکدیر. عصرلرین کئشمکئش لرینده او٫ اؤز میللى دیلینى٫ عادت و عنعنه لرینى قورویوب ساخلایابیلمیشدیر. ایران ظولمکارلارى آذربایجانى اؤز حاکیمییتلرى آلتینا آلاراق٫ اونون ثروتینى آمانسیزجاسینا تالادیلار. نتیجه ده آزه ربایجانین چیچکله نن کند و شهرلرى داغیلماق حددینه گلیب چاتدى. شووئنیست بؤیوک دؤولتچىلیک سییاستى یورودن ایران حؤکمدارلارى آزه ربایجانلىلارین وارلیغینى تامامىیله اینکار ائتمه یه جهد گؤسته ریر٫ اونلارین دیلینى الیندن آلماقدان٫ هر جور تحقیر ائدیجى عمللردن چکینمیرلر.
بونا باخمایاراق آزه ربایجان خالقى بیر گون ده اولسون٫ اؤز آزادلیغى اوغروندا موباریزه سینى دایاندیرمادى. آزه ربایجانلىلارین اؤز میللى آزادلیقلارى اوغروندا موباریزه سینین ان پارلاق نومونه سى ستتارخان٫ باقیرخان٫ شئخ محممد خییابانى و باشقالارىنین حرکتلرىدیر. بو جسور اینسانلار موباریزه نین باشچىلارى٫ همده شهیدلرى ایدى. قانلى فاشیسم اوزه رینده دئموکراتیک  دؤولتلرین غلبه سى آزه ربایجان خالقینین موباریزه سینه یئنى تکان وئردى٫ یئنى شراییط یاراتدى. تئهران حؤکومتینین موقاویمتینه باخمایاراق بو ایل ٢١ آذرینده (١٢ دئکابر) آزه ربایجان خالقینین عصرلردن برى آپاردیغى موباریزه سى غلبه ایله باشا چاتدى.  آتلانتیک خارتییاسینا اویقون اولاراق میللى مجلیسین٫ آزه ربایجان میللى حؤکومتینین قورولماسى ایله نتیجه له ندى.
آزه ربایجاندا دئموکراتیک اساسلارا دایاناراق بیر میللى حؤکومت قورولوب و اؤز فعالییتى باره ده بوتون دونیایا معلومات یاییب. ٥ میلیونلوق آزه ربایجان خالقى میللى دیلینین٫ تاریخینین٫ مدنییتینین کؤمه یى ایله اؤزونون موعاصیر بیر خالق اولدوغونو درک ائتدى و بیر ده هئچ واخت فارس ظولمونون آلتیندا اینله مه یه٫ فارس دیلینین ایرانداکى باشقا خالقلارین دیللرى اوزه رینده آقالیغینا ایجازه وئرمه یه جکدیر. بو خالق بیر نفر کیمى اؤز حیاتینى میللى آزادلیغینا و دؤولتینه قوربان وئرمه یه حاضیردیر.
یئنى دئموکراتیک آزه ربایجان حؤکومتى قیسسا واخت عرضینده ایجتیماعى٫ ایقتیصادى٫ مدنى ساحه لرده جیددى ده ییشمه لر ائده بیلیب٫ داخیلى تهلوکه سیزلیک تام برقرار اولونوب. یئنى میللى حؤکومتین فعالییتى سایه سینده عصرلرله ایستیثمار اولونان خالق عادى اینسان شراییطینده یاشاماغا باشلاییب. بونونلا دا او٫ اؤز میللى دؤولتینى قوروماق٫ اونو ایداره ائتمه یه قادیر اولدوغونو گؤسته ریر. 
آزه ربایجان خالقینین ایراده سى ایله آتلانتیک خارتیاسینا٫ یعنى بؤیوک دئموکراتیک دؤولتلرین وعدلرینه اویغون اولاراق قورولان  آزه ربایجان میللى حؤکومتى آرتیق دانیلماز فاکتدیر. بیرلشمیش میللتلر تشکیلاتى باش آسامبئلییاسینا موراجیعتى ایله آزه ربایجان خالقى خاهیش ائدیر کى٫ آزه ربایجان میللى حؤکومتىنین وارلیغى فاکتى تانینسین و کناردان موداخیله اولمادان٫ اونا اؤز طالئعىنین اؤزو طرفیندن موعیینله شدیریلمه سینه تامینات وئریلسین.
آزه ربایجان میللى حؤکومتینین باش وزیرى
سئیید جعفر پیشه ورى
٢٨ یانوار ١٩٤٦
بوردا آزره بایجان سوزونون آنلامی یلالنیز آزره بایجان تورکلرینه یارار

هیچ نظری موجود نیست:

ارسال یک نظر

با پشتیبانی Blogger.
 
UrmiyeNews.Com - Batı Azerbaycan'ın Sesi
Tema: Bal Medya