ارگه نه قون بایرامیندا، خوی، مه ره ند که ند له رینده، ائله جه ده آزربایجانین بیر چوخ یئرله رینده بئله نه غمه له ر اوخونار:
گه لیر نوروز بایرامی
آچیلار گوله ر هامی.
ساخلا گه لین آنامی
آنامی، هم آتامی.
نوروز گه لیر،یاز گه لیر
نه غمه گه لیر، ساز گه لیر.
باغچالاردا گول اولسون!
گول اوسته بولبول اولسون!
نوروز، نوروز خوش گه لدین
خوش گه لدین، بوش گه لدین
بوش گه لدین، دولو گه لدین
بول گه لدین، سولو گه لدین
ارده بیلده سه حه رین آلاقارانلیغیندا دوروب اوستونه گئده ر، نوو اوستونده ن آتلانیب:
"دیش آغریم، باش آغریم، گوز آغریم، بوردا قالسین". دئیرله ر.
بایرام قاباغی آزربایجانین بیر چوخ یئرله رینده ته که مچی له ر گه له ر و یازین موشتولوقچوسو کیمی ته که م اوینادار، ته که م سایاسی اوخویارلار.
فه رهاد ارده بیلین یورتچو ماحالیندا ائشیدیگی ته که م سایالاریندان نئچه سینی ثبت ائدمیشدیر:
ته که م گه لدی، قیش عومرو قوتاردی،
چوبان توتدو اونو داغدا اوتاردی.
گه لیر بایرام، دالیسینجا یاز گه له جه ک.
سیزین بو تازا بایرامیز موباره ک.
ته که مین ده کندی وار،
اویناماغا فه ندی وار...
هر قاپیدا اویناسا
بیر نلبه کی قه ندی وار.
ته که م گئتدی مئشگینه
وعده وئردی بئش گونه.
گه لمه دی اون بئش گونه،
ته که می اولدوردوله ر
اتدیلار خان کوشگونه.
آشاغیداکی سوزله ری ده علی ریضا ارده بیلی توپلامیشدیر:
آی مه نیم آلا ته که م
باشیما بالا ته که م.
گه زه گه ن آروادلارین
سیرغاسین یالا ته که م.
یاشیللار آی یاشیللار،
دوواردان بویلاشیرلار.
بو ای یامین قیزلاری
ار اوسته ساواشیرلار.
آغ دومانین اوزله ری،
یئره گه لمه ز دیزله ری.
بو ای یامین قیزلاری
که بین ک هسیر اوزله ری.
ته که م گئتدی مه ره نده،
تاماشادی گه له نده.
کول باشینا ته که مین،
قایناناسی واله نده.
ته که م ته که م آتلاما
قول-قیچیوی قاتلاما.
ساباه کی بایرام گه لیر،
گئدیب، چولده اوتلاما.
ته که م بیر اویون ائیله ر،
قووردلان قویون ائیله ر.
ییغار گیلان دویوسون،
چه پیشین تویون ائیله ر.
امیرالمومنین ته خته چیخاجاق،
یئزیدین بوینونا نوخدا ووراجاق،
شیرین شه ربه ت سو یئرینه آخاجاق.
سیزین بو ته زه بایرامینیز موباره ک.
آییز، اییلیز، گونوز، هفته ز موباره ک.
سولطان سر توووله ده باغلار بوز آتی،
اونون بوینوندا وار قیزیل ساعاتی،
خانلار، بیله ر بیزه وئرسین باراتی.
سیزین بو ته زه بایرامیز موباره ک.
آییز، اییلیز، گونوز، هفته ز موباره ک.
اته ک یازیلار:
قایناق: تورک خلق ادبیاتی کیتابیندان، یازیچی علیرضا صرافی
هیچ نظری موجود نیست:
ارسال یک نظر