ادبیات درگیلری آراسیندا ایلیشکیلری گلیشدیرمک، تجربه‌لری پایلاشماق، ایش بیرلیگی امکانلارینی گؤروشمک، قارشیلیقلی یایین آلیش - وئریشینی آرتیراراق، خالقلارین بیربیرلرینی داها یاخیندان تانیما‌لارینی ساغلاماق و بئله‌لیکله بؤلگه‌ده‌کی دوستلوق و قارداشلیق دویغولاری‌نین محکم‌لنمه‌سینه قاتقیدا بولونماق آماجی ایله ۱٤-۱٦ دسامبر ۲۰۱۰ تاریخلرینده آنکارادا ۱٤ اؤلکه‌دن ۲٥ ادبیات درگیسی باش ادیتورو و ادیتورونون اشتراکی ایله گرچکلشن "۳-جو تورک دونیاسی ادبیات درگیلری کونقره‌سی" چالیشما‌لارینی باشاری ایله تاماملادی.
کونقره آچیلیشیندا، عراقدا یایینلانماقدا اولان "قارداشلیق درگیسی"نین ٥۰-جی قورولوش ایلی اولماسی سببی ایله درگی‌نین گنل یایین یؤنتمنی سایین محمود عمر قازانجی، اؤزل بیر سونوم یاپدی.
داها سونرا درگی تمثیلچیلری، درگیلری حاقیندا بیلگی وئرمکله بیرلیکده تورک دونیاسی ادبیات درگیلری آراسینداکی ایش بیرلیگی امکانلاری ایله ایلگیلی دوشونجه‌لرینی ایفاده ائتدیلر.
ایراندان کونقره‌یه قاتیلان "وارلیق" و "یاپراق" درگیلری‌نین تمثیلچیلری، درگیلرین یایین شکلی، ایچریگی و گله‌جک پلانلارینی آنلاتدیرلار.
"وارلیق" درگیسی یازی ایشلری مودورو محمدرضا هیئت، ۱۹۷۹-دان اعتبارا تهراندا یایینلانان تورکجه وارلیق درگیسی‌نین ایلک ساییسیندان اعتباراً تورک دونیاسی ادبیاتلارینا، یازار و شاعیرلرینه گئنیش وئردیگینی، تورک خالقلاری، اؤزللیکله ده اوغوز تورکلری آراسیندا یایغین اولان اورتاق کلمه‌لری ایشلتمگه اؤزن گؤستردیگینی وورغولایاراق، سون زامانلاردا ایراندا یایین حیاتینا باشلایان "بایرام" و "گونش" درگیلری حاقیندا بیلگی وئردی و "یاشماق" درگیسی‌نین ایراندا مودرن تورک ادبیاتی‌نین گلیشمه‌سینده‌کی رولونا اشاره ائتدی.
تورک دونیاسی ادبیات درگیلری کونقره‌سی‌نین ایکینجی گونونده، تورکیه جمهوریتی توریزم و کولتور باخانی ارتوغرول گونای درگی تمثیلچیلرینی مقامیندا قبول ائده‌رک، بو کیمی گیریشیملرین چوخ یارارلی اولدوغونو و داوام ائتمه‌سی گرکدیگینی وورغولادی.
کونقره‌نین سون گونونده درگی تمثیلچیلری آراسیندا آپاریلان مذاکره‌لرین سونوچلاری آچیقلاندی.
آپاریلان گؤروشمه‌لرده؛
۱- کونقره‌یه قاتیلان ادبیات درگیلری آراسیندا یازی آلیش وئریشی‌نین یایقینلاشدیریلماسینا،
۲- آلینتی یازیلاردان، تألیف طلب ائدیلمه‌مه‌سینه؛
۳- آلینتی یاپان درگی‌نین، چئویریلردن سونرا یازینی یایینلارکن آلینتی یاپدیغی درگی‌نین لوقوسو ایله بیرلیکده یازیلاری یایینلاماسینا؛
گله‌جک کونقره‌یه، سیبیریادا یاشایان تورک خالقلاری‌نین ادبیات درگیلری باشدا اولماق اوزره قاتیلیمین آرتیریلماسی اوچون چابا گؤستریلمه‌سینه؛
٥- بوتون قاتیلیمجی درگیلرین دستکلری ایله آوراسیا یازارلار بیرلیگی طرفیندن تورک دونیاسینداکی ادبیات خبرلری‌نین یایقینلاشدیریلماسی اوچون بیر ادبیات خبر آژانسی قورولماسی چالیشما‌لاری‌نین باشلادیلماسینا؛
٦- اینترنتین درگیلرین و ادبیاتلاریمیزین داها یایقین تانیتیمیندا سوندوغو امکانلار گؤز اؤنونده توتولاراق کونقره‌یه قاتیلان درگیلرین اولوشدورولاجاق بیر اینترنت پورتالیندان اورتاق تانیتیم چالیشما‌لاری‌نین یاپیلماسینا؛
۷- تورک خالقلاری‌نین ادبیاتلاریندان بیربیرینه چئوریلن یازیلارلا بیرلیکده ایستر تورک یازی دیللریندن دونیا دیللرینه ایسترسه دونیا دیللریندن تورک یازی دیللرینه ترجومه ائدیلمیش اثرلره ده بو پورتالدا یئر وئریلمه‌سینه؛
۸- پورتاللا ایلگیلی ایش و ایشلملرین قاتیلیمجی درگیلرین دستکلری ایله آوراسیا یازارلار بیرلیگی طرفیندن آپاریلماسینا؛
۹- پورتالدا یایینلاناجاق یازی، شعر، دنه‌مه وب. اثرلرین و ترجومه متینلرده تألیفله ایلگیلی قاتیلیمجی درگیلره عاید اولان حاقلارین دئور ائدیلمیش ساییلاجاغینا؛
۱۰- ۲۰۱۱ ایلی، تورک دیلی دانیشان اؤلکه‌لر دؤلت باشقانلاری ۱۰-جو ذیروه‌سینده اورتاق قوتلانماسی قراری آلینان، تورک جمهوریتلری‌نین مستقل‌لیکلری‌نین ۲۰-جی ایلی ائتکینلیکلری چرچیوه‌سینده کونقره‌یه قاتیلان درگیلرین اورتاق فعالیتی اولاراق سون ۲۰ ایلده تورک دونیاسینداکی ادبی گلیشمه‌لرین دگرلندیریله‌جگی "باغیمسیزلیق دؤنمینده ادبیات کیتابی" حاضیرلانماسینا، بو حاضیرلیقلارین آذربایجان- دونیا ادبیاتی درگیسی باش رداکتورو سلیم باب‌الله اوغلونون کوردیناسیونوندا آپاریلماسینا؛
۱۱- دؤردونجو تورک دونیاسی ادبیات درگیلری کونقره‌سی‌نین شرطلر اویغون اولدوغو تقدیرده ۲۰۱۱ ایلی پاییز آیلاریندا، قوزئی قیبریس تورک جمهوریتینده "تورنا‌لار" درگیسی‌نین ائو صاحیبلیگینده توپلانماسینا؛
۱۲-۲۰۱۲ ایلینده توپلاناجاق تورک دونیاسی ادبیات درگیلری کونقره‌سی‌نین، "تورکسوی" طرفیندن تورک دونیاسی کولتور باشکندی اعلان ائدیلن قازاقیستان‌ین باشکندی آستانادا یاپیلماسینا؛
۱۳- تورک دونیاسی ادبیات درگیلری کونقره‌سی ادبیات اؤدولونون حاضیردا "قارداش قلملر" درگیسی باش ادیتورو علی آقباش-ا وئریلمه‌سینه و اونا عاید اثرلرین ۲۰۱۱ ایلی ایچریسینده کونقره اویه‌سی درگیلرده امکانلار اؤلچوسونده یایینلانماسینا؛
۱٤- اوچونجو تورک دونیاسی ادبیات درگیلری کونقره‌سی‌نین دوزنلنمه‌سینده دگرلی قاتقیلاریندان دولایی آوراسیا یازارلار بیرلیگی، "تورکسوی" گنل یازمانلیغی و "تیکا" باشقانلیغینا کونقره‌نین اؤزل تشکورلرین ایله‌تیلمه‌سینه؛
قرار وئریلدی.
درگی تمثیلچیلری:
ائلچین حسین بگلی، "اولدوز"، باکی/ آذربایجان
اسماعیل بوزقورت، "تورنا‌لار"، لفکوشه/ قوزئی قیبریس تورک جمهوریتی
انتقام قاسیم زاده، آذربایجان، باکی/ آذربایجان
اورتیکبای عبدالله‌یف، "جهان" ، تاشکند/ اؤزبکیستان
اوغولمایا سامی زاده، "یاپراق"، تورکمن صحرا/ یران
اوفوق توزمان، "مینگی تاو"، نالچیک، کاباردی-بالکار
اولوغ بک یئسدئولت، "ژولدیز"، آلماتی/ قازاقیستان
حسین سو، "هجا"، آنکارا/ تورکیه
رجب سامیاده، "گونش"، کابل / اففانیستان
زهرا بکیرووا، "آرزی"، سیمفروپول-کیریم/ اوکراین
زینل بکساچ، "تورکچه‌م"، پریزن/ کوسووا
سلیم باب‌الله اوغلو، "دونیا ادبیاتی"، باکی/ آذربایجان
شاهین دایی قدیر، "ایشیق"، کرکوک/ عراق
صادق یمنی، "اودا صنعت"، آمستردام/ هولند
عثمان باش "گومبد"، توکات/ تورکیه
علی آقباش، "قارداش قلملر"، آنکارا/ تورکیه
عمر کازاز اوغلو، "بیزیم کوللیه"، الازیغ/ تورکیه
غیاث‌الدین اوتئو، "قارا دنیز"، کؤستنجه/ رومانیا
فانیل کوزبکوف "آق ایدیل"، اوفا/ باشقوردیستان/ روسیا
کنگس یوسوپ، "عالم ادبیاتی" آستانا/ قازاقیستان
لئنیارا سلیم، "اومید کروانی"، سیمفرپول- کیریم/ اوکراین
محمت عاکیف آیاز، "ائیوان"، کایسری/ تورکیه
محمدرضا هیئت، "وارلیق"، تهران/ ایران
محمود عمر قازانجی، "قارداشلیق"، بغداد / عراق
نیهان ایشیق ار، "تمرین"، ایستانبول/ تورکیه
قایناق: http://tinyurl.com/2dk38m3
هیچ نظری موجود نیست:
ارسال یک نظر