تبريز سسي : تؤركيه نين اساسسيز سويقيريم ايديعالارينا قارشي موباريزه درنگي (ا س ي م ا د) باشقاني، پروفئسسور ساواش اييلمز بيان ائديب کي، ايراقدا سيخيشديريلان پ ک ک تئررور تشکيلاتي اؤز دوشرگه لريني ائرمنيستاندا و آزه ربايجانين ايشغال ائديلميش قاراباغ بؤلگه سينده يئرلشديريب. اييلمز بو باره ده تکزيبئديلمز فاکتلار اولدوغونو دئييب. اونون بيلديرديگينه گؤره، تؤركيه ايله ياناشي ايراق هؤکومتي و ايراقين شيمالينداکي کورد قروپلاري طرفيندن سيخيشديريلان پ ک ک تئررور تشکيلاتي ائرمنيستاني، خصوصن ده داغليق قاراباغي دوشرگه لر سالماق اوچون سئچيب.
" جيهان " آگئنتليگي نين معلوماتينا گؤره، اييلمز دئييب کي، آزه ربايجان اونون تورپاقلاريندا داها گئنيش فعاليت ساهه سي الده ائتمه يه چاليشان تئررور تشکيلاتينا قارشي داها چوخ پرئوئنتيو تدبيرلر گؤرمه ليدير. " آذربايجانين داغليق قاراباغ مسئله سينده يئريتديگي سياستده بعضي يانليشليقلار وار. بونلارين ان اؤنمليسي تؤركيه يه قارشي يئرسيز چيخيشلاردير. آزه ربايجان، سورييا، ايراقين شيمالي و ايران اوچبوجاغيندا اولکي واختلارا نيسبتن اؤزونه راحات يئر تاپا بيلينمه يه ن تئررور تشکيلاتي نين اؤز اراضيسينده يئرلشمه سينه قارشي داها چوخ تدبيرلر گؤرمه ليدير. اکس حالدا، بو ويروس ياخين زامانلاردا آزه ربايجاني دا خسته ائده جک " دئيه، اييلمز بيلديريب. (ا س ي م ا د) باشقاني حساب ائدير کي، ائرمنيستان تؤركيه ايله ياخين موناسيبتلر قورماق اوچون سويقيريم ايديعالاريندان ال چکمه لي و آزه ربايجانلا قاراباغ مسئله سينده آنلاشماليدير. اونون سؤزلرينه گؤره، قاراباغ بؤلگه سي نين تؤركيه اوچون ده خصوصي اؤنمي وار: " داغليق قاراباغين تؤركيه نين بيرباشا تماس چئوره سينده اولماماسي، ائرمنيستاندان يارديم آلماسي، بين الخالق ستاتوسونون تام معين ائديلمه مه سي، روسييانين گورجوستاندان چيخارديغي سيلاحلارين ائرمنيستان و قاراباغدا يئرلشديرمه سي پ ک ک- نين آسانليقلا سيلاح الده ائتمه سينه گتيريب چيخاراجاق. پ ک ک- نين بؤلگه ده وارليغي 1999- جو ايلدن بو يانا آچيق شکيلده گؤرونمکده دير و آرتيق تئررورچولارين دوشرگه لرينده ايريميقياسلي سيلاحلي تعليملر کئچيريلير " . / موساوات
هیچ نظری موجود نیست:
ارسال یک نظر