سلیمانی بو سؤزلری اورمیه شهرینده دوزنلنن اورمو گؤلو بسترلرینین پروبلملرینی آراشدیرما سمپوزیوموندا دیله گتیردی
سولاغ آلانلاری ( تالابلاری) قوروما اولوسال پلان مدور یاردیمجیسی آچیکلادی:
اورمو گؤلو فلامینگولارینین ووجودونداکی دوزلار کریستالیزه اولوپلار.
فارس خبر آژانسینین وئردیگی خبره گؤره، سولاغ آلانلاری( تالابلاری) قوروما اولوسال پروژه مدور یاردیمجیسی اورمو گؤلونده‌کی بحران سسببیله بوگولده‌کی فلامینگولارینین ووجودونداکی دوزلار کریستالیزه اولوپلار دئدی.
اورمیه‌دن وئریلن خبره گؤره محسن سلیمانی روز بهانی بو گون باتی آزربایجانین تاریم اورقوتو توپلانتی سالونوندا دوزنلنن اورمو گؤلو بسترلرینین پروبلملرینی آراشدیرما سمپوزیوموندا سؤیله‌دی: اومو گؤلونده دوز نیسبتینین آردماسی سونوجو بو گؤلد‌ه‌کی فلامینگولار و یابان یاشام (حیات وحش) اوچون جیدی تهلوکه اورتایا چیخیب و بو دا اونلارین اوچامامالارینا سبب اولور.
سلیمانی سؤزلرینین داوامیندا اورمو گؤلو بحرانینین سونوجلارینا اشاره ائده‌رک دییر: اورمو گؤلونون ۱۵ قاتی بؤیوکلوگونده اولان آرال گؤلونده‌کی بحرانا سبب اولان ندنلرین باشیندا یوزده ۹۴ گلیشمه پروژلرینین رولو وارایدی.
او عینی زاماندا اورمو گؤلونده اورتایا چیخان بحرانا دقت چکه‌رک دییب: بو بحرانین سونوجوندا مؤوسیملر دگیشه‌جک،سرطانین و یاغیشسیز گونلرین چوخالماسی ایله بیرلیکته اکینچیلیک زامانی دا دگیشه‌جک.
بو مسئولون دئدیکلرینه گؤره، اورموگؤلو کی دوغو آزربایجان، باتی آزربایجان و کوردوستان اوستانلارینین سینیریندا یئر آلیر، بو اوستانلارداکی گلیشمه پروژلرین ایجراسی سونوجوندا بحرانلا قارشیقارشیا قالمیشدیر.بحرانا یول آچان پروژه‌لرین ان اؤنملیسی ده پلانسیز شکیلده تیکیلن و ایندی ده تیکیلمه‌سی داوام ائدن باراژلار( سدلر) دیر.
قایناق:http://tinyurl.com/26bnn99
هیچ نظری موجود نیست:
ارسال یک نظر