تورک دیل قورومو باشکان یاردیمچیسی پروفسور دوکتور عایشه ملک اؤز یئتگین، "تورک ایشاره دیلی" سیستمی‌نین اولوشدورولماسی اوچون سؤزلوک و دیل بیلگیسی حاضیرلادیقلارینی بیلدیردی.
اؤز یئتگین، دؤلت پلانلاما تشکیلاتی مستشارلیغی‌نین پروژه‌لری چرچیوه‌سینده "سس‌سیز دونیا"نین منسوبلارینا داها ساغلام بیر آلت یاپی ایله، قیسا سوره‌ده اشاره دیلینی ساغلیقلی بیر شکیلده اؤیره‌دیلمه‌سی آماجی ایله اوزمان بیر کادر ایله "تورک اشاره دیلی سؤزلویو" و "تورک اشاره دیل بیلگیسی" چالیشماسی آپاردیقلارینی سؤیله‌دی.
بوگونه قدر اهمال ائدیلدیگی کیمی، بیر دؤنم ده یاساقلانان تورک اشاره دیلی سیستمی‌نین اولوشدورولماسی گؤره‌وی‌نین تورک دیل قوروموندا اولدوغونو بلیرتن پروفسور دوکتور اؤز یئتگین، دونیادا بیلینن ایلک ائشیتمه انگللیلر مکتبی‌نین عثمانلیلاردا، ایکینجی عبدالحمید دؤنمینده، کامیل پاشانین صدر اعظم‌لیگی سیراسیندا معارف ناظیری منیف پاشا طرفیندن آچیلدیغینی آنلاتدی.
ایلک ساغیرلار مکتبی‌نین ۱۷٥٥ ایلینده فرانسادا آچیلمیش اولماسینا رغما، ۱۸۸۹ ایلینده فعالیته باشلایان "ییلدیز ساغیرلار مکتبی"نین دونیا تاریخینده ساغیرلار اوچون اگیتیم وئرن "ایلک رسمی اگیتیم قورومو" اؤزللیگینی داشیدیغینی ایفاده ائدن پروفسور دوکتور اؤز یئتگین، "آنجاق بوگونکو دورومو دونیاداکی اؤرنکلریندن هارداسا ٥۰ ایل گئریده‌‌دیر. تورک دیل قورومونون اوزمان بیر کادر ایله آپاردیغی بو پروژه سایه‌سینده تورک اشاره دیلی ده گرکن یئری و اؤنمی تاپاجاقدیر" دئدی.
"ییلدیز ساغیرلار مکتبی"
آنادولودا ایلک ساغیرلار مکتبی ۱۸۸۹ ایلینده کامیل پاشانین صدر اعظم‌لیگی سیراسیندا معارف ناظیری منیف پاشا طرفیندن آچیلدی. مکتبین ایلک مودورو تجارت مکتبینده‌کی گؤره‌ویندن آیریلان آووستوریا‌لی مسیو گراتی افندی‌‌دیر. مکتب سلطان احمدده بوگونکو مارمارا اونیورسیته‌سی رکتورلوغو بیناسیندا آچیلمیشدی.
مکتب، ۱۹۲٦ ایلینده اؤیرنجی آزلیغی و ایلگیسیزلیکدن دولایی قاپاندی. ۱۹٤٤ ایلینده ساغیرلار جمعیتی آقسارای‌دا تاختا بیر بینادا ساغیرلار مکتبینی یئنیدن آچدی. مکتبده دوکتور کیپ، دانیشما متودو ایله اشاره متودونو ایشله‌ده‌رک اگیتیم وئردی.
داها سونرا ایستانبولدا ساغیرلار مکتبی مولانا قاپی‌دا فعالیته باشلادی. بو مکتب ۱۹٥۲ ایلینده چیخاریلان ٥۸۲۲ ساییلی قانونلا پلانلی اولاراق اؤزل اگیتیم فعالیتینه باشلادی، ۱۹٥۳ ایلینده میلّی اگیتیم باخانلیغینا دئور ائدیلدی.
عثمانلی ایمپراتورلوغو دؤنمینده ییلدیز سارایی بینا‌لار توپلولوغو اولاراق یاپیلان و مختلف دؤلت خیدمتلرینده ده ایشله‌دیلن بینا ۱۹٥۳ ایلینده ساغیرلار مکتبینه وئریله‌رک مکتب یئنیدن فعالیته باشلادی، آدی دا "ییلدیز ساغیرلار مکتبی و یئتیشدیرمه یوردو" اولدو.
۲۰ سپتامبر ۱۹۸۳-ده اسکی وطن معمارلیق و مهندس‌لیک مکتبی بیناسینا داشینان مکتب ۲۰۰۲-دن بری فاتح ائشیتمه انگللیلر لیسه‌سی اولاراق خیدمت وئریر.
قایناق http://tinyurl.com/2vqs96h
هیچ نظری موجود نیست:
ارسال یک نظر